Admin
Tilbage

Jyden han æ stærk å sej

Steen Steensen Blicher

Jyden han æ stærk å sej,
modde båd i nøj å næj.
Goer ed op, å goer ed nier,
åller do fåtawt ham sier,
goer ed op, å goer ed nier,
åller do fåtawt ham sier.

Føst næ dær æ nøe pofahr,
komme jyden ud å dar.
Men han goer ett ind igjen,
fa` de uhn han ha gjent hen,
men han goer ett ind igjen,
fa` de uhn han ha gjent hen.

Læ wos ålti blyw ve de!
Fåer sin båen ka kjennes ve!
Søen et sind da hær i Noer
hall sæ ve, te alt fågoer,
søen et sind da hær i Noer
hall sæ ve, te alt fågoer!